“Qan içində olsa da Putinlə müqavilə imzalamağa hazıram” – Zelenski

Rusiya qoşunlarının ölkəmizdə yerləşdiyi müddətdə Ukrayna qanunvericiliyində dəyişiklik, referendumların keçirilməsi, eləcə də tam siyasi dialoq mümkün deyil.

Lent.az bildirir ki, bu barədə Ukrayna prezidenti Vladimir Zelenski Rusiya mediasına müsahibəsində deyib.

“Ona görə də biz Rusiya Federasiyasının prezidenti ilə razılığa gəlməliyik və razılığa gəlmək üçün o, haradan olduğu yerdən öz ayaqları ilə çıxmalı və dünyanın istənilən yerində mənimlə görüşə gəlməlidir...

Belarusda, Rusiyada, Ukraynada keçirilən görüşü mənasız hesab edirəm və nümayəndə heyətlərimizin görüşləri bunu bir daha təsdiqləyib. Onların daha çox siyasi əhəmiyyəti yoxdur. Bunlar bu və ya digər şəkildə bu gün münaqişə edən üç tərəfdir”, - Zelenski bildirib.

Ukrayna prezidenti hesab edir ki, dövlət başçıları arasında razılaşmalardan sonra siyasi prosesə başlamaq mümkün olacaq.

“Beləliklə, görüşdük, onunla razılaşdıq, bəsdir – bizim onunla müqaviləni hətta qan içində olsa belə, imzalamağa hazıram.

Bu, geri çəkilmə prosesinə başlamaq üçün kifayətdir. Qoşunlar geri çəkilməlidir, bütün zəmanətləri imzalayacaqlar, vəssalam. Sonra parlamentdə ratifikasiya, bir neçə ay referendum, sonra isə Konstitusiyaya dəyişikliklər olacaq”, - Zelenski qeyd edib.