Rusiyada qadın prezident Vladimir Putinin Üçüncü Reyxin hərbi geyimindəki şəklinə görə nasist simvollarını yaydığına görə cərimələnib.
Lent.az yerli mediaya istinadla bildirir ki, bu ilin yanvar ayında Zelenoqrad sakini Yana Ş. Baş Prokurorluğun onlayn qəbuluna müraciət göndərib. O, Putinin svastika ilə Vermaxt formasında şəklini əlavə edib. Məlumata görə, müraciətdə həmçinin “SSRİ vətəndaşları” hərəkatının təbliğatına da yer verilib.
Baş Prokurorluq qadının müraciətini “E” Mərkəzinə (Rusiya Daxili İşlər Nazirliyinin Ekstremizmlə Mübarizə Baş İdarəsi) göndərib, bundan sonra nasist simvollarının nümayişi ilə bağlı iş açılıb.
Qadın barəsində protokol tərtib edilib. Yana məhkəməyə gəlməyib və ona qarşı inzibati cərimə kəsilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
