Rusiyanın Kalmıkiya Respublikasının Malo Dərbənd kəndində Daxili İşlər Nazirliyinin Maloderbetovski İdarəsinin binasına ildırım düşüb.
Lent.az xəbər verir ki, bu barədə "Baza" "Telegram" kanalı məlumat yayıb.
Mənbənin məlumatına görə, hadisə iyulun 4-də saat 14:05 radələrində baş verib.
İldırım vurması nəticəsində 3 polis kompüteri sıradan çıxıb. Bundan əlavə, binanın perimetri ətrafında quraşdırılmış videomüşahidə sistemi də, radiostansiya və fasiləsiz enerji təchizatı da fəaliyyətini dayandırıb. Üstəlik, müvəqqəti saxlama təcridxanasının kameralarında videokameralar sönüb, çəkiliş dayandırılıb.
İlkin məlumata görə, hadisə nəticəsində hüquq-mühafizə orqanlarının əməkdaşları xəsarət almayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
