Tailandın Malayziya ilə sərhədində yerləşən Sunqaykolok şəhərində pirotexniki vasitələrin saxlandığı anbarda baş vermiş güclü partlayış nəticəsində ölənlərin sayı artıb.
Lent.az-ın məlumatına görə, bu barədə Tailand Daxili İşlər Nazirliyi məlumat yayıb.
Hadisə nəticəsində 11 nəfər ölüb, 120-dən çox insan yaralanıb.
***
29.07.2023
Saat 20:34
Tailandın Malayziya ilə sərhədində yerləşən Narathivat əyalətinin cənubundakı Sunqaykolok şəhərində pirotexnika anbarında baş vermiş güclü partlayış nəticəsində 9 nəfər ölüb, yüzdən çox insan yaralanıb.
Bu barədə Lent.az "Thai PBS" telekanalına istinadən xəbər verir.
Partlayış nəticəsində yerli ticarət mərkəzinə, bazara və 500 m radiusda 150 evə xeyli ziyan dəyib, bəzi yaşayış binaları tamamilə dağılıb.
Hadisənin qarşısı yanğınsöndürənlər tərəfindən alınıb.
Dağıntılar altında qalanların axtarışları aparılır.
Regional hakimiyyət orqanları tibbi, psixoloji və humanitar yardımların göstərilməsi üçün qərargahlar yaradıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
