ABŞ-da Qrin Bey şəhərindən ömürlük həbs edilmiş iki günahsız qardaşa bəraət verilib.
Lent.az xarici mediaya istinadla bildirir ki, David və Robert Binz davası 1987-ci ildə başlayıb. Belə ki, “Good Times” barında işləyən Sandra Lison zorlanaraq, öldürülüb. Onun qalıqları meşədə tapılıb. Binz qardaşları da həmin gecə “Good Times”a gələnlər arasında olublar. 2000-ci ildə onlar Lisonu öldürməkdə heç bir dəlil olmadan təqsirləndiriliblər.
2023-cü ildə “Wisconsin Innocence Project” cinayət yerində tapılan DNT-nin genetik profilini yaradıb və xüsusi verilənlər bazalarına yükləyib. Beləliklə, onun işçiləri əsl günahkarı - Uilliam Hendriksi tapmağı bacarıblar. Nəticədə qardaşların günahsız olduğu ortaya çıxıb. Onlar nahaq yerə 24 il həbsdə yatıblar.
Sentyabrın 27-də Binz qardaşları azadlığa buraxılıb. Vəkillərinin sözlərinə görə, kişilər məhkəmənin qərarından razı qalıblar. Qardaşlar ədalətin pozulmasına görə təzminat tələb etməyi planlaşdırırlar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
