Navalnının qızı Kamala Harrisin seçki qərargahında işləyir

Rusiyanın mərhum müxalifət lideri Aleksey Navalnının qızı Pensilvaniya ştatında Kamala Harrisin seçki kampaniyasında çalışır.

Lent.az-ın məlumatına görə, bu barədə “The Times” yazır.

Nəşr xatırladıb ki, 23 yaşlı Daşa Navalnaya Kaliforniyada Stenford Universitetini bitirib. 2019-cu ildən sosial psixologiya və siyasi elmlər üzrə təhsil alıb.

"Avqust ayından o, LinkedIn hesabına görə, Filadelfiyada Harrisin təşviqat qrupunun işçi meneceri olub. Onun vəzifələrinə seçicilərin səfərbərliyi və ictimaiyyətlə əlaqəsi daxildir. Bununla belə, o, Harrisi dəstəkləmək üçün heç bir ictimai açıqlama verməyib", - yazıda vurğulanır.

“The Times” Navalnayanın seçki kampaniyasında iştirakının Harrisin Rusiyanın müxalifət siyasətində rol oynamağa hazırlaşdığını göstərə biləcəyini irəli sürüb.

Rusiya prezidenti Vladimir Putinin ölkəsinin ən böyük tənqidçisi olan Aleksey Navalnı 2024-cü il fevralın 16-da ölümü ilə bağlı xəbər yayılana qədər 30 illik həbs cəzasını çəkirdi.

Rəsmi məlumatlara görə, ölümün səbəbi səhhətində problemlər olub, lakin sızan sənədlər Navalnının zəhərləndiyini göstərir.

“New Yorker” jurnalı da mərhum rus müxalifət liderinin xatirələrindən parçalar dərc edib. Onlardan belə nəticəyə gəlmək olar ki, Navalnı həbsxanada öləcəyini proqnozlaşdırıb.

O, 2022-ci il martın 22-də yazıb: “Mən baş verə biləcək ən pis şeyi təsəvvür edirəm və bunu qəbul edirəm... Ömrümün qalan hissəsini həbsxanada keçirib burada öləcəyəm”.