"Mən ən pisini təsəvvür edirəm və ...” - Navalnı həbsxanada öləcəyini proqnozlaşdırıbmış

O, bu barədə hələ 2022-ci ilin yazında yazıb.

Rusiyanın mərhum müxalifət lideri Aleksey Navalnının “New Yorker” jurnalında dərc olunan xatirələrindən parçalar onun həbsxanada öləcəyini proqnozlaşdırdığını göstərir.

Let.az xarici mediaya istinadən bildirir ki, bu fraqmentlər “Patriot” kitabının nəşri ərəfəsində çap olunub.

Rusiyada Vladimir Putinin ən tanınmış tənqidçisi və antikorrupsiya fəalı Navalnı bir neçə ittihamla 19 illik həbs cəzasını çəkərkən fevral ayında Arktika həbsxanasında vəfat edib. O, 2021-ci ildə Rusiyaya qayıtdıqdan sonra Kremli ittiham etdiyi zəhərlənmədən sonra həbs edilib. Rusiya hakimiyyəti bu ittihamları rədd edir.

Naşir "Patriot" kitabını "dünyaya son məktub"adlandırıb. Navalnı zəhərləndikdən sonra kitab üzərində çalışıb və həbsxanada yazmağa davam edib. Navalnı xatirələrində mübarizə strategiyalarını təsvir edir.

O, 2022-ci il martın 22-də yazıb: “Mən baş verə biləcək ən pis şeyi təsəvvür edirəm və bunu qəbul edirəm...

Ömrümün qalan hissəsini həbsxanada keçirib burada öləcəyəm”. “Vadalaşmağa kimsə qalmayacaq” və bütün ailə bayramlarının onsuz keçiriləcəyi fikri ilə barışıb.

Buna baxmayaraq, Navalnı korrupsiyaya qarşı mübarizəsini davam etdirib: “Mənim vəziyyətə yanaşmam passiv düşünmək deyil, mən avtoritarizmi dayandırmaq üçün hər şeyi edirəm”.

2024-cü il yanvarın 17-dəki son hissələrdən birində o, Rusiyaya niyə qayıtdığı ilə bağlı suala belə cavab verir: "Ölkəmdən imtina etmək və ya xəyanət etmək istəmirəm. İnanclarınız bir şey deməkdirsə, lazım olduqda onları müdafiə etməyə və qurban verməyə hazır olmalısınız."

Navalnı yumor hissini də qoruyub saxlayırdı. O, vəkillərlə yeni müddətə proqnozlar haqqında necə zarafat etdiyini söyləyib: "Olqa 11-15 il proqnozlaşdırdı, Vadim 7-8 ilə mərc etdim və qalib gəldim".

O, həmçinin intizam tədbirləri çərçivəsində saatlarla “Putinin portreti altında taxta oturacaqda” oturmaq ideyasını ələ salıb.

Müxalifət liderinin dul arvadı Yuliya Navalnaya aprel bəyanatında vurğulamışdır ki, kitab təkcə ərinin həyatının xatirəsi deyil, həm də onun “diktaturaya qarşı mübarizəyə sarsılmaz sədaqətinin” simvoludur. O qeyd edib ki, hekayəni paylaşmaq "başqalarını doğru olanı müdafiə etməyə ruhlandıracaq".

Xatirələr artıq 11 dilə tərcümə olunub və onların rus dilində nəşri planlaşdırılır.