Hermetikliyi pozulan təyyarə uğurla endi -VİDEO-YENİLƏNİB

Gecə yarısı Ben-Qurion hava limanına həyəcan siqnalı ilə onlarla təcili yardım və reanimobil çağırılıb.

Lent.az-ın məlumatına görə, İsrail təyyarəsi illüminatorun sınması səbəbindən hava limanına qayıtmağa məcbur olub. Pilot partlayış təhlükəsinin qarşısını almaq üçün kifayət qədər uzun müddət dəniz üzərində dövr etdi.

İsrail mətbuatının məlumatına görə, eniş zamanı heç bir fəsad olmayıb, təyyarə təhlükəsiz yerə enib, fövqəladə hallar xidmətinin nümayəndələri yenidən qərargahlarına qayıdıb.

***

02.53

Təl-Əvivdən Nyu-Yorka uçan “United Airline”s təyyarəsi salonda təzyiqin azalması səbəbindən yola düşdüyü hava limanına qayıtmağa məcbur qalıb.

Lent.az xəbər verir ki, bu barədə “The Jewish Press”ə məlumat yayıb.

Nəşrin məlumatına görə, qəza enişinə səbəb illüminatorun qırılması səbəbindən salonda təzyiqinin azalması olub. İndi təyyarə yanacaq yandırmaq üçün əlavə dövrələr vurur.

Ben Qurion hava limanında 2-ci dərəcəli fövqəladə vəziyyət elan edilib. Girişdə çoxlu təcili yardım maşınları var.

Təyyarədə 339 nəfərin olduğu bildirilir.