Əfqanıstanda soyuq hava nəticəsində azı 70 nəfər ölüb.
Lent.az bildirir ki, AFP-nin məlumatına görə, yanvarın 10-dan etibarən Kabildə və bir sıra digər əyalətlərdə temperatur aşağı düşüb, mərkəzi Qor bölgəsində isə həftə sonu ən aşağı göstərici -33C qeydə alınıb.
Kənd yerlərində evsiz-eşiksiz ailələr soyuqdan xilas olmaq üçün ocaq ətrafına toplaşıb, qarlı paytaxtda isə şanslılar kömür qızdırıcıları ilə isinirlər.
Şaxtalı havanın bir həftə, hətta daha çox davam edəcəyi gözlənilir.
Təbii Fəlakətlərin İdarə Edilməsi Nazirliyi son səkkiz gündə 70 nəfərin və 70 min mal-qaranın öldüyünü bildirib.
***
Əfqanıstanın 13 əyalətində son 7 gündə 97 nəfər soyuqdan ölüb.
Bu məlumatı isə "KhaamaPress" yayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
