Əfqanıstanda zəlzələdə ölənlərin sayı 1411 nəfərə çatıb.
Lent.az xəbər verir ki, bu barədə Taliban hökumətinin sözçüsü Zabihullah Mücahid məlumat verib.
Onun sözlərinə görə, xəsarət alanların sayı 3124 nəfər olub.
"5400-dən çox ev isə tamamilə dağılıb", - o vurğulayıb.
***
1 sentyabr, saat 13:19
Əfqanıstanda baş verən güclü zəlzələ nəticəsində ölənlərin sayı 800-ü ötüb.
Lent.az xəbər verir ki, bu barədə Talibanın hökumət sözçüsü bildirib.
Qeyd edilib ki, zəlzələ nəticəsində 2700-dən çox yaralı var.
***
saat 09:46
Əfqanıstanda zəlzələ nəticəsində ölənlərin sayı 500-ə çatıb.
Lent.az "Reuters"ə istinadən xəbər verir ki, bu barədə ölkənin yerli mediası məlumat yayıb.
Yaralıların sayının min nəfəri keçdiyi vurğulanıb.
***
07:42
Əfqanıstanın Nanqarhar vilayətinin mərkəzi rayonu Cəlalabad yaxınlığında baş vermiş 6 bal gücündə zəlzələ azı 250 nəfərin həyatına son qoyub.
Lent.az xəbər verir ki, ABŞ Geoloji Xidməti 6 bal gücündə zəlzələnin ölkənin Pakistanla sərhədi yaxınlığında baş verdiyini açıqlayıb.
Cəlalabaddan 27 kilometr şimal-şərqdə baş vermiş zəlzələ yerin 8 kilometr dərinliyində qeydə alınıb.
Yerli mətbuat zəlzələ nəticəsində azı 250 nəfərin öldüyünü, 500-dən çox insanın yaralandığını açıqlayıb.
***
06:34
Əfqanıstanın şərqində baş vermiş zəlzələ nəticəsində iki nəfər ölüb, ən azı 15 nəfər yaralanıb.
Lent.az xəbər verir ki, bu haqda “Agence France-Presse” məlumat yayıb.
"Əfqanıstanın şərqində baş vermiş 6,0 bal gücündə zəlzələ zamanı binanın uçması nəticəsində iki uşaq ölüb, azı 15 nəfər yaralanıb", - məlumatda deyilir.
Qeyd edək ki, Əfqanıstanın Cəlalabad şəhərindən 57 kilometr şimal-şərqdə, yerin 35 kilometr dərinliyində 6,2 maqnitudalı zəlzələ baş verib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
