Piratlar Meksika prezidenti Andres Manuel Lopez Obradorun səhhəti barədə məlumatları ələ keçiriblər.
Lent.az-ın xəbərinə görə, bu barədə Meksika hökumətinin gündəlik məlumatında bildirilib.
Hökumətdən bildirilib ki, kiberhücum nəticəsində orduya aid məxfi sənədlər ələ keçirilib. Bunlar arasında prezidentin hərbi hospitalda müalicə alması barədə gizli məlumatlar da yer alır.
“Həqiqətən kiberhücum olub. Fayllar müasir vasitələrlə götürülüb. Bildiyim qədəri oxşar hadisələr Çili və Kolumbiyada da baş verib. Düşünürəm ki, bu, xaricdən idarə olunur” – deyə 68 yaşlı prezident bildirib.
Ələ keçirilən sənədlərdə dövlət başçısının kardioloji problemlərə görə təcili qaydada hərbi hospitala yerləşdirildiyi qeyd edilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
