Avropanın "ən sakit" hava limanları – SİYAHI

Avropanın ən sakit hava limanlarının reytinqi açıqlanıb.

Lent.az xəbər verir ki, reytinq formalaşdırarkən analitiklər bir neçə amili nəzərə alıblar.

Siyahı tərtib edilərkən analitiklər il ərzində turistlərin ümumi sayını, hava limanının şəhər mərkəzindən uzaqlığını, avtomobillər üçün parkinq xərclərini və ümumilikdə keyfiyyət reytinqini nəzərə alıblar. Fakt budur ki, hava limanı nə qədər az insan qəbul edirsə, gözləmə zonasında səyahət edənlər bir o qədər az stress keçirirlər. Üstəlik, belə hava limanlarında heç bir təlaş və daimi hərəkət qeydə alınmır. Eynilə, şəhərə nə qədər yaxın olsa, nəqliyyat da bir o qədər ucuz başa gəlir və problem az olur.

Reytinqə əsasən Vilnüs (Litva) ən sakit hava limanı kimi tanınıb, Billund (Danimarka) ikinci, Lüksemburq (Lüksemburq) isə ilk üçlüyü bağlayıb.

Siyahıda sonrakı yerləri Menorka (İspaniya), Hannover (Almaniya), Nyukasl (Böyük Britaniya), Korfu (Yunanıstan) və Trondheim (Norveç) tutur.

Doqquzuncu yeri Turin hava limanı (İtaliya), ilk 10-luğu isə Kalyari-Elmas (İtaliya) tutub.