ABŞ-da koronavirusdan ölənlərin sayı İkinci Dünya Müharibəsində ölənləri keçdi

Con Hopkins Universitetinin məlumatlarına görə, ABŞ-da COVID-19 koronavirus pandemiyasının başlanğıcından bəri 292 mindən çox yoluxucu ölüb.

Lent.az xarici KİV-ə istinadla bildirir ki, Amerika mediasının məlumatına görə, II Dünya Müharibəsindəki döyüşlərdə daha az amerikalı - 291 min nəfər ölmüşdü.

Son bir gündə ölkədə 221 mindən çox yeni infeksiyaya yoluxma hadisəsi aşkar edilib. Ölkədə yeni infeksiyaya yoluxmada gündəlik maksimum artım dekabrın 4-də (+227 min) qeydə alınıb. Ölənlərin sayına görə maksimum gündəlik rekord bu gün, 11 dekabrda qeydə alınıb. Son 24 saat ərzində 3124 nəfər ölüb.