ABŞ-da koronavirusa yoluxma sayı 60 milyonu keçdi

Pandemiya başlayandan ABŞ-da 60 062 077 koronavirusa yoluxma halı qeydə alınıb, 837 504 nəfər xəstəliyin nəticələrindən dünyasını dəyişib.

Lemt.az-ın məlumatına görə, bu barədə Con Hopkins Universitetinin yenilənmiş hesabatında bildirilib.

“2021-ci ilin dekabr ayından etibarən ölkədə gündə 100 mindən çox yoluxma halı qeydə alınıb. Milyonlarla amerikalının qohumlarını və dostlarını ziyarət etməyə getdiyi Şükran Günündən sonra (25 noyabr) yoluxma daha da artmağa başlayıb”, - deyə məlumatda vurğulanıb.

Universitetinin məlumatında o da bildirilib ki, ümumilikdə, dünyada 306,6 milyon koronavirusa yoluxma halı qeydə alınıb, 5,4 milyon insan xəstəlikdən vəfat edib. ABŞ hər iki göstəriciyə görə dünyanda liderdir.

Qeyd edək ki, ABŞ-ın Xəstəliklərə Nəzarət və Qarşısının Alınması üzrə Federal Mərkəzi omicronun ölkədə dominant ştama çevrildiyini açıqlayıb. Bir sıra ərazilərdə, o cümlədən ABŞ-ın cənub-şərqində və şimal-qərbində omicron ştamı ilə yoluxmuşların nisbəti 90%-i ötür.