“Martın 1-dən etibarən Fransada koronavirusdan ölənlərin sayı 12 210 nəfər olub. Ölənlərin 42% -i 70 yaşdan yuxarı insanlardır. Son sutkada xəstəxanalarda ölənlərin sayı isə 412 nəfər artaraq 8044-ə çatıb”.
APA TASS-a istinadən xəbər verir ki, bu barədə cümə axşamı ölkənin Səhiyyə departamentinin baş direktoru Jerome Salomon keçirdiyi mətbuat konfransında bildirib.
O qeyd edib ki, qocalar evlərində və digər social-tibb müəssisələrində son sutkada 929 ölüm qeydə alınaraq, ümumilikdə bu rəqəm 4166 nəfərə çatıb: “Lakin bu məlumatlar hələ tam deyil, çünki tibb müəssisələrindən hələ də məlumatlar alınmaqdadır”.
Salomonun sözlərinə görə, hazırda reanimasiyada 7066 nəfər var: “Ümumilikdə hər gün təxminən 369 nəfər reanimasiyaya yerləşdirilir. Xəstəxanalarda olan xəstələrin sayı isə 30767 nəfərdir. 1144 tibb müəssisəsindən alınan məlumatlara görə, bu günədək xəstəxanaya yerləşdirilənlərin sayı 62 641 nəfər olub”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
