FTB Florida ştatındakı hərbi bazaya hücumu terror aktı kimi araşdırır

ABŞ Federal Təhqiqatlar Bürosu səudiyyəli zabitin hərbi aviabazada törətdiyi silahlı insidenti terror aktı kimi qiymətləndirir.

APA “RİA Novosti”yə istinadən xəbər verir ki, bu barədə FTB-nin xüsusi agenti Reyçel Rohas bildirib.

“Biz bu hadisənin terror aktı olması ehtimalı üzərində işləyirik”, - deyə Rohas yerli telekanalların iştirakı ilə mətbuat konfransında bildirib.

Qeyd edək ki, dekabrın 6-da Florida ştatındakı hərbi bazada atışma zamanı, silahlı cinayətkar da daxil olmaqla, dörd nəfər ölüb, səkkiz nəfər yaralanıb. Hücum edən şəxsin Səudiyyə Ərəbistanındakı hərbi bazaların birində təlim keçmiş Məhəmməd Səid əl-Şamrani adlı zabit olduğu bildirilir. ABŞ rəsmiləri baş vermiş insidenti araşdırır. Hücumun terrorla əlaqəli olub-olmadığı hələlik tam məlum deyil.