Qəzzada üsyançı islamçıların lideri öldürüldü

HƏMAS polisi radikal qrupla toqquşmanı davam etdirir
Qəzza sektorunu “islam əmirliyi” elan edən radikal islamçı “Cund Ənsar Allah” təşkilatının lideri Əbdəl-Lətif Əbu Musa HƏMAS polisi ilə toqquşma zamanı öldürülüb. Lent.az-ın AFP-yə istinadən məlumatına görə, toqquşmalar zamanı ölənlərin sayı 22-yə çatıb.
İsrailin “Haaretz” qəzetinin yazdığına görə, öldürülənlər arasında HƏMAS-ın hərbiləşdirilmiş qanadının lideri Əbu Cəbril Şimali də var. Döyüşlərdə 120-yə yazın adam yaralanıb.
Fələstinin Rafiyah şəhərində toqquşmalar avqustun 14-də, cümə namazından sonra başlayıb. “Cund Ənsar Allah”ın 100-ə yaxın tərəfdarı məscidin qapılarını içəridən bağlayaraq, HƏMAS-a tabe olmadıqlarını elan ediblər. HƏMAS polisi məscidə hücum edib. Bununla da döyüşlər başlayıb və şəhər qapalı hərbi şəhər elan olunub. .
“The Jerusalem Post” yazır ki, “Cund Ənsar Allah” dünyanın bir çox ölkələri tərəfindən terrorçu təşkilat kimi tanınan HƏMAS-dan daha radikal işlamçı qrupdur. Bundan başqa, Qəzzadakı xırda islamçı qruplar HƏMAS-ın İsraillə atəşkəs elan etməsindən narazılıqlarını gizlətmirlər.