Əli Babacanı şoka salan xəbər!

Hakerlər Türkiyə baş nazirinin müavini, iqtisadiyyat naziri Ali Babacanın babası Hilmi Babacana aid “Ali Babacan Tekstil Sanaye və Ticarət A.Ş” şirkətinin bank hesabına giriblər.

Lent.az-ın Türkiyənin “Vatan” qəzetinə istinadən verdiyi məlumata görə, hakerlər 2 saat ərzində 40 min dolları başqa bir hesaba köçürüblər.

“Ali Babacan Tekstil Sanaye və Ticarət A.Ş”nin mühasibat şöbəsinin müdiri Hulusi Tümer şirkətin hesabındakı dəyişikliyi müşahidə edib və banka zəng açıb. Hakerlər şirkətin bank hesabından pul transfer etdikləri məlum olub və bank hesabı bütün boşaldılmadan transfer dayandırılıb.

“Ali Babacan Tekstil Sanaye və Ticarət A.Ş”nin vəkili Hüseyn Kaderoğlu Ankara Cümhuriyyət Prokurorluğun fırıldaqçılıqla bağlı müraciət edib.

Qeyd edək ki, hazırda Rəcəb Tayyib Ərdoğanın müavini olan Əli Babacan həyata atasının Ankaranın Çıkrıkçılar məhləsindəki dükanından atılıb. Şirkət onun babası Ali Babacanın dönəmində qurulduğu üçün “Ali Babacan Tekstil Sanayi ve Ticaret A.Ş.” adını daşıyır. Adi Babacan siyasətlə məşğul olmağa başladıqdan sonra şirkətin İdarə Heyətindən istefa verib.