“Alfa” qrupu üsyana qalxdı

Lent.az-ın “RİA Novosti” agentliyinə istinadən verdiyi məlumata görə, müddətsiz aksiyanın iştirakçıları onların komandirlərinə qarşı hüquqi özbaşınalığa son qoyulmasını tələb edirlər.

Döyüşçülər bildiriblər ki, keçmiş komandirləri Almaz Coldoşəliyev və daha 9 həmkarlarının həbsinə etiraz əlaməti olaraq xidməti başa vurmağa hazırdırlar. Qeyd edək ki, tutulanların hamısı aprel ayında Qırğızıstandakı dövlət çevrilişi zamanı nümayişçilərin öldürülməsində ittiham olunurlar. Baş Prokurorluq onları “səlahiyyət hədlərini aşmaqda, prezident Kurmanbəy Bakiyevin ailə hakimiyyətini qoruyaraq ağır və xüsusilə ağır cinayətlər törətməkdə” ittiham edib.

Amma “Alfa” döyüşçüləri bildirirlər ki, ballistik ekspertiza öldürülənlərə onların tabel silahından atəş açılmadığını göstərib.

Hazırda hökumət binası qarşısında “Alfa” tam heyətdə toplaşıb. Onların əynində xüsusi geyim və maskalar var. Mitinqdə həbs olunanların yaxınları, eləcə də Kurbanbəy Bakiyevin mitinqçilərin güllələnməsində ittiham olunan keçmiş mühafizə xidmətinin əməkdaşları da iştirak edir.