Lujkov öz hərəkatını yaradacaq

Lent.az-ın verdiyi məlumata görə, Yuri Lujkov bunu “The New Times” jurnalına müsahibəsində söyləyib.

Lujkov deyib ki, hazırla Rusiya cəmiyyətində qüvvədə olan qanunlar qeyri-demokratikdir. Mövcud vəziyyətlə mübarizəyə hazırlaşan keçmiş mer dördüncü hakimiyyət olan medianın hansısa şəxslərin və şirkətlərin üzərinə hücum etməklə məşğul olduğunu vurğulayıb.

O, yeni hərəkatın Demokratik İslahatlar Uğrunda Rusiya Hərəkatının bazasında formalaşacağını istisna etməyib. Söhbət 1993-cü ildə Dövlət Dumasına seçkilərdə iştirak etmiş Demokratik İslahatlar Hərəkatından gedir. Həmin vaxt bu hərəkat 4 faizlik baryeri keçə bilməyib. Ancaq Dövlət Dumasının birinci çağırışında Hərəkatın birmandatlı dairələrdən 5 üzvü deputat mandatı qazanıb. Həmin vaxt Demokratik İslahatlar Hərəkatının sıralarında Eduard Şevardnadze, Aleksandr Rutskoy, Anatoliy Sobçak, Moskvanın keçmiş meri Qavriil Papov və digər siyasi və ictimai xadimlər olub.