Hollandiyada da çadranı qara günlər gözləyir

Hollandiyada parlament seçkilərindən sonra koalisiya hökumətin formalaşdırılması üçün radikal Azadlıq Partiyasının tələbinə əməl etmək lazım gəlir. Lent.az-ın “Reuters” agentliyinə istinadən verdiyi məlumata görə, ictimai yerlərdə çadranın qadağan edilməsi koalisiya formalaşdırılması paktı çərçivəsində dövlət proqramına daxil olacaq.

Liberallar və xristian-demokratlar koalisiyanın nəhayət, formalaşması üçün Azadlıq Partiyasına güzəştə getmək məcburiyyətində qalıblar. Bununla bağlı yekun qərar hələ qüvvəyə minməyib. Bunun üçün xristian demokratların həmin məsələni şənbə günü partiyanın toplantısında qəbul etmələri gərəkdir.

Qeyd edək ki, hazırda Hollandiyada müsəlmanlara qarşı nifrəti artırmağa yönəlik fəaliyyətinə görə ittiham olun Azadlıq Partiyasının lideri Gert Vilderslə bağıl məhkəmə prosesi gedir.

Xatırladaq ki, xristian demokratlar və liberallar müvafiq olaraq parlamentdə 150 və 42 yerə malikdirlər. Hökumətin formalaşdırılması üçün bu deputat sayı azlıq təşkil edir. Buna görə də 24 deputata malik Azadlıq Partiyası ilə razılaşmaq lazım gəlir.