Ora getmə…

Yaponiya hökuməti Rusiya prezidenti Dmitri Medvedevi Cənubi Kuril adalarına nəzərdə tutulan səfirini təxirə salmağa çağırıb.

Lent.az-ın “RİA Novosti” agentliyinə istinadən verdiyi məlumata görə, yapon hökumətinin təmsilçisi İosito Senqoku deyib ki, Tokio səfərin ləğv edilməsində israr edir və mövqeyini Rusiya tərəfinə çatdırıb.

Qeyd edək ki, Cənubi Kuril adaları – İturup, Kunaşir, Şikotan və Xabomai İkinci Dünya Müharibəsi zamanı SSRİ qoşunları tərəfindən tutulub və müharibədən sonra Moskva və Tokio arasında mübahisə mövzusudur. Yaponiya bu adaları öz ərazisi sayır. Rusiya hakimiyyəti isə bildirir ki, Cənubi Kuril adaları İkinci Dünya Müharibəsinin nəticəsinə görə SSRİ-nin tərkibinə daxil edilib və beynəlxalq hüquqa əsasən hazırda Rusiyanın suverenliyi altındadır. Tokio bu adalarla bağlı ərazi mübahisəni iki ölkə arasında danışıqlar yolu ilə həll etməyə çalışır.