İran Mehabadın intiqamını alır

İran ötən həftənin çərşənbə günü Mehabad şəhərində hərbi parad zamanı baş verən və 12 nəfərin ölümünə, 80 nəfərin yaralanmasına yol açan olayı törədənləri tapmaq üçün hərəkətə keçib.

Lent.az-ın Türkiyənin NTV telekanalına istinadən verdiyi məlumata görə, bu gün İran təhlükəsizlik qüvvələri İraq sərhədini keçib.

Əməliyyatların hədəfi Şimali İraqda PKK terror təşkilatının İran qolu olan PEJAK-dır. İran İslam İnqilabını Mühafizə Korpusunun komandanlarından general Abdülresul Mahmudabadi İraqda aparılan əməliyyatda 30 silahlının öldürüldüyünü bildirib. O, əsgərlərdən qaçan 2 nəfərin də izində olduqlarını söyləyib.

İran baş verən olayla bağlı separatçı kürd qruplarını günahlandırır və bu qrupların ABŞ və İsrail tərəfindən dəstəkləndiyini iddia edir.