“Bin Laden” öldürüldü - FOTO

Kolumbiyada ölkədəki rejimə qarşı çıxan Kommunist Partiyasının silahlı qanadı olan Kolumbiya İnqilabi Silahlı Qüvvələri Təşkilatına (FARC) partizanlarına rəhbərlik edən, “Kolumbiyanın Bin Ladeni” kimi tanınan Mono Jojoy öldürülüb.

Lent.az-ın CNN-ə istinadən verdiyi məlumta görə, 1964-cü ildə qurulan, 11 min silahlının birləşdiyi FARC-ın lideri Mono Jojoy filmləri xatırladan bir əməliyyat nəticəsində öldürülüb.

30 ildir ki, əziyyət çəkdiyi şəkər xəstəliyindən əziyyət çəkən Mono Jojoy artıq xəstəliyi səbəbindən hərəkət etməyə çətinlik çəkdiyi üçün tərəfdarlarına ona bir rahat qayıq almaq təlimatı verir. Mesaj Kolumbiya kəşfiyyatına çatır. Kəşfiyyatçılar Kolumbiyanın Bin Ladeninə aparılmaq üçün tərəfdarlarının əli ilə satın alınan qayığa CPS izləmə cihazı taxıblar.

Qayıq Mono Jojoyun ixtiyarına verilən zaman artıq Kolumbiya kəşfiyyatı keçilməz cəngəllikdə onun yerini müəyyənləşdiriblər. Bu barədə dərhal prezident Juan Manuel Santosa xəbər verilib. Prezident dərhal hava əməliyyatına başlanmasına qərar verib. 30 qırıcı təyyarə və 25 vertolyot havaya qalxıb və bölgəyə tonlarla bomba yağdırılıb. Mono Jojoy və 20 mühafizəçisi cəngəllikdə öldürülüb.

Xəbər dərhal Kolumbiya prezidentinə çıxarılıb. Prezident də mətbuat konfransı təşkil edib və jurnalistlərin qarşısına çıxaraq Kolumbiyada 40 illik savaşın sonunun başlanğıcına gəldiklərini və Mono Jojoyü öldürdüklərini bildirib.

Hava hücumundan sonra bölgəyə endirilən desant qüvvələri təşkilatın gizli maliyyə qaynaqlarının və rəhbərliyində yer alan şəxslərin adlarının olduğu 14 kompüter və 60 USB ələ keçiriblər. Mono Jojoyun şəxsi kompüterləri də götürülüb.

Mono Jojoyun adı ABŞ və Avropa Birliyinin də terrorçu siyahılarında var. Maliyyə problemini həll etmək üçün kokain ticarətini həyata keçirən FARC hər il bu yolla ən azı 300 milyon dollar gəlir əldə edir. Təşkilat Kolumbiya ərazisinin 30 faizinə nəzarəti hələ də əlində saxlayır.