Rumıniyada polislərin qiyamı prezidenti hövsələdən çıxardı

Ötən həftənin cümə günü əmək haqlarının azaldılmasına və ixtisarlara etiraz edən polislərin prezident rezidensiyasını mühasirəyə alaraq aksiya keçirmələri, binanın həyətinə boş butulka atmaları Rumıniya prezidenti Trayan Baseskunu hövsələdən çıxarıb.

Lent.az-ın İTAR-TASS agentliyinə istinadən verdiyi məlumata görə, Trayan Basesku dövlət başçısını qorumaq üçün ayrılmış polis mühafizəsindən imtina edib.

Prezident dövlət televiziyasında çıxışında deyib ki, ölkədə qayda-qanunu qorumalı olan polislər öz adlarını rüsvay ediblər.