Ata ilin 360 günü qızına təcavüz edib...

Filippində 1 il ərzində qızına 360 dəfə təcavüz edən ataya 14 min 400 il həbs cəzası verilib. Lent.az-ın “BBC”yə istinadən verdiyi məlumata görə, Los Banos məhkəməsi 2006-cı ildə bu bədnam ataya ölüm cəzası verib.

Ancaq paytaxt Maniladakı Apelyasiya Məhkəməsi cəzanı dəyişdirib və atanı hər cinsi təcavüzə görə 40 il, ümumiliklə 14 min 400 il həbslə cəzalandırıb.

Atasının təcavüzünə uğradığı vaxt 13 yaşında olan, indi 22 yaşına çatmış qadın bu qorxunc olayın anasının süpürgəçi olaraq çalışmaq üçün Honqkonqa getdiyi vaxt başladığını bildirib. Ana ataya 3 uşağını əmanət edərək Los Banosdan Honqkonqa getdiyi gündən - 2001-ci ilin yanvarından bədnam ata 13 yaşlı qızına təcavüzə başlayıb. Ata 1 il ərzində hər gün qızına təcavüz edib.

Gənc qızın yaşadığı bu qorxulu həyat bacı-qardaşları ilə anasının qohumlarının yanına tətilə getdikdən sonra başa çatır. Atasının yanına dönmək istəməyən qız başına gələnləri danışır. Honqkonqdan geri dönən ana qızının məhkəməyə müraciət etməsinə yardımçı olur...