BMT Baş Assambleyasına yarıçılpaq gələn kral xəyanətlə üzləşdi

Afrikadakı Svazilend krallığında kral Msvatinin 22 yaşlı xanımı Nothando Dube ədliyyə naziri Ndumiso Mamba ilə yataqda sevişərkən yaxalanıb. Lent.az-ın “Reuters” agentliyinə istinadən verdiyi məlumata görə, gözəllik yarışmasının qalibi olmuş kraliça Nothando Dube hər gecə saraydan qaçaraq nazir sevgilisi ilə görüşürmüş.

Paytaxt Mbabanedəki Royal Villas adlı lüks oteldə əməliyyat keçirən polis Nothando Dube və Ndumiso Mambanı suç üstündə yaxalayıb. Ədliyyə naziri özünü itirib və polis otağa daxil olarkən yorğanın altında gizlənməyə çalışıb. Ancaq bu, fayda verməyib.

14 arvadı, 23 uşağı olan 42 yaşlı kral Msvatini ölkə mətbuatına bu barədə yazmağı qadağan edib. Ədliyyə naziri vəzifədən çıxarılıb. Onun 1 il həbs cəzası alacağı gözlənilir. Nothando Dube isə xəyanətinin cəzası olaraq ömrü boyu kralın birinci arvadının nəzarətində olacaq.
Qeyd edək ki, Svazilend kralı BMT Baş Assambleyasının son iclasına milli geyimdə, faktiki yarıçılpaq halda qatılması ilə diqqət çəkmişdi.