Paris Hiltonu Yaponiyaya buraxmadılar

Lent.az-ın “vesti.ru” saytına istinadən verdiyi məlumata görə, onu Tokio aeroportunda saxlayıblar.

Paris Hilton Yaponiyaya reklam etdiyi ətirlərin təqdimatında iştirak etmək üçün gəlib. Ancaq o, ABŞ-da kokain saxlamaqda təqsirli bilinir və Yaponiya qanunlarına görə də istintaqda olan, yaxud həbsdə yatmış şəxslərin ölkəyə gəlişinə icazə verilmir.

Paris Hiltona 6 saat miqrasiya xidmətinin beynəlxalq terminalında məmurlarla söhbət etməli olub. Yaponlar Hiltondan onları maraqlandıran bütün suallara cavab aldıqdan sonra onu aeroportdakı otelə göndəriblər. Onun pasportuna ölkəyə daxil olmaqla bağlı möhür vurulmayıb.

Paris Hiltonu ABŞ-da 200 saat ictimai işlərdə çalışmaq gözləyir. Məhkəmə onu 2 min dollar da cərimələyib. Hiltonun vəkili Devid Çesnoff bildirib ki, belə mürəkkəb situasiyada heç kim özünü onun kimi apara bilməzdi: “Paris Hilton özünü çox nəzakətlə aparıb”.

Qeyd edək ki, Paris Hilton bu ilin avqustunda saxlanılıb. Onun avtomobilində kokain aşkarlanıb.