Səudiyyə Ərəbistanında növbəti əcaib qadağa

Səudiyyə Ərəbistanının kişi və qadın vətəndaşlarına xarici ölkə vətəndaşları ilə ailə qurmaq qadağan edilib.

Lent.az-ın verdiyi məlumata görə, bu barədə bu gün “Aş-Şark əl-Ausat” qəzeti məlumat yayıb.

Səudiyyə Ərəbistanı krallığının Məşvərət Şurasının qəbul etdiyi qanuna görə, xaricilərlə ailə quran ölkə vətəndaşı 27 min dollar cərimə ediləcək, eyni zamanda banklardan kredit almaq hüququndan məhrum ediləcək.

Nazirlər, kral sarayının xidmətçiləri, şahzadənin kitabxanasının işçiləri, Məşvərət Şurasının üzvləri? Xarici İşlər, Daxili İşlər, Müdafiə nazirliklərinin yüksək vəzifəli şəxsləri, Milli Qvardiya, Kral Mühafizəsi Xidməti, kəşfiyyat və müdafiə sənayesində çalışanlar yalnız kralın icazəsi ilə xarici ölkə vətəndaşları ilə ailə qura bilərlər.