Üç valideynli uşaqlar olacaq!
15 aprel 2010 19:00 (UTC +04:00)

Üç valideynli uşaqlar olacaq!

Bu layihənin həyata keçirilməsinə bir addım qaldı


Böyük Britaniyanın Nyukasl Universitetinin alimləri irsi xəstəlikləri olmayan 3 valideynli insan embrionu yetişdiriblər.

Lent.az-ın “haberturk.com” saytına istinadən verdiyi məlumata görə, iki analı, bir atalı embrionlar müalicəsi olmayan beyin, ürək və sinir xəstəliklərinə qarşı immunitetlidir.

Təhqiqat zamanı diqqət hüceyrələrin içərisində enerji stansiyaları funksiyasını yerinə yetirən mitoxondri üzərində cəmlənib. Mitoxondridəki xəstə DNT-lər sağlam genetik materialla əvəzlənib. Başqa sözlə, süni mayalanma zamanı atanın sperması ilə ananın yumurtasındakı əsas DNK-lar çıxarılıb. Digər tərəfdən, bir donorun yumurtası ilə başqa bir donorun sperması dölləndirilib. Bir neçə saat sonra yumurta və spermanın DNT-si alınıb və valideynin DNK-ı özəyi çıxarılmış sağlam mitoxondrisinə aşılanıb. Beləliklə, valideynlərin genlərindən və donorun mitoxondrisindən mütəşəkkil embrion əldə edilib.


Universitetin laboratoriyasında bu üsulla 80 embrion əldə edilib. Söhbət 4 nəfərdən getsə də, alimlər bildiriblər ki, donorun yumurtasını dölləyən digər donorun spermasının əldə edilən embrionda hər hansı DNT-si olmadığı üçün embrion 3 valideynli qəbul edilir.

Ancaq Böyük Britaniya qanunları bu embrionları qadın bədəninə yerləşdirilməsini qadağan etdiyi üçün həmin 80 embrion 8 gün sonra məhv edilib. Araşdırmaya başçılıq edən professor Doug Turnbull deyib ki, əgər qanunlar icazə versəydi, bu üsulla ilk körpələr 3 il ərzində dünyaya gələrdi.

Alimlər inanırlar ki, müvafiq icazə veriləcək və 3 il ərzində ailəsində irsi xəstəlikləri olan qadınlar sağlam uşaq anası ola biləcəklər.
# 204

Oxşar yazılar