Paltar hər bir qadının qarderobunda əvəzolunmaz geyimdir. Çünki bu geyim qadınları hər yaşda qüsursuz və cazibədar göstərir.
Lent.az belə paltarları təqdim edir:
50 yaşdan yuxarı qadınlar üçün geyinmək olmaz dedikləri paltarlar
Stilistlər 50 yaşdan yuxarı qadınlara bu paltarlardan birdəfəlik imtina etməyi tövsiyə edirlər. Çünki onlar ümumi görünüşü gülünc edir və bədən qüsurlarını vurğulayır.
Üfüqi zolaqlı paltarlar
Bu model fiquranı daha enli göstərir və artıq çəki əlavə edir, hətta çəkisiz qadınlarda belə. Üstəlik, üfüqi zolaqlar ayaqları qısaldır və bu, fiquranın görünüşünə mənfi təsir edir. Ona görə də bu cür geyimləri qısa boylu qadınların geyinməsi tövsiyə olunmur. Əksinə, şaquli zolaqlar fiquranı uzadır və ayaqların gözəlliyini vurğulayır, ona görə zolaqlı naxış sevən qadınlar belə modellərə üstünlük verməlidir.
Qısa paltarlar
Yetkin qadınlar bu cür paltar geyinməməlidir, çünki onlar dizləri açır, bu isə yaş göstəricisidir. Cazibədar görünmək istəyirsinizsə, stilistlər dizdən bir qədər aşağı, bədənə oturan paltarları seçməyi məsləhət görürlər. Bu modellər ümumi obrazı zərif və heyranedici edəcək.
"Yırtıcı" naxışlı paltarlar
Nədənsə, zərif yaşlı qadınlar heyvani naxışları çox sevirlər. Düzdür, onlar zaman-zaman dəbə qayıdır, amma 50 yaşdan yuxarı qadınlar bu cür qəşəng, amma ehtiyat tələb edən geyimlərə diqqətlə yanaşmalıdır. Çünki bu naxışlar əsasən 30+ yaşlı qadınlara uyğundur. Əgər leopard naxışını ümumi obrazınıza əlavə etmək istəyirsinizsə, moda ekspertləri onu aksesuarlar – çanta, şərf, eynək və ya bilərziklərlə vurğulamağı tövsiyə edirlər.
Geniş (torba tipli) paltarlar
Əksər yetkin qadınların sevimli geyimlərindən biri. Stilistlər sərbəst kəsimli paltar geyinməyi qadağan etmirlər, amma onlar düz kəsimli və keyfiyyətli materialdan hazırlanmış olmalıdır. Belə paltar formasını yaxşı saxlayacaq və ilk yuyulmadan sonra əskiyə dönməyəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
