Şəkidə koronavirusa qarşı mübarizə tədbirləri gücləndirildi - FOTO
28 noyabr 2020 19:42 (UTC +04:00)

Şəkidə koronavirusa qarşı mübarizə tədbirləri gücləndirildi - FOTO

“Xüsusi karantin rejimi ilə bağlı əlavə tədbirlər barədə”  Nazirlər Kabinetinin müvafiq qərarında dəyişiklik edilməsi haqqında Nazirlər Kabinetinin 2020-ci il 13 oktyabr tarixli qərarına əsasən, oktyabrın 14-dən respublikanın bəzi yaşayış məntəqələrinə, o cümlədən Şəki şəhərinə və Kiş kəndinə giriş-çıxış dayandırılıb.

Lent.az xəbər verir ki, bununla əlaqədar məhdudiyyətlərin tətbiq olunduğu Şəki rayonunda Operativ Qərargah tərəfindən müəyyən edilən tələb və qaydaların təmin olunması üçün ciddi nəzarət tədbirləri həyata keçirilir.

Əhali arasında maarifləndirmə və nəzarət işlərinin aparılması üçün rayon üzrə 49 mobil qrup yaradılıb. İcra hakimiyyəti aparatının məsul nümayəndələrindən və polis əməkdaşlarından ibarət bu qruplar xüsusi karantin rejimi ilə əlaqədar müəyyən edilmiş qaydalara əməl olunmasını təmin etmək üçün ticarət obyektlərində mütəmadi olaraq reydlər keçirir, əhalinin kütləvi şəkildə toplaşdığı ərazilərdə maarifləndirmə işləri aparır.

Noyabrın 27-də keçirilən növbəti maarifləndirici aksiya zamanı könüllülər icra hakimiyyəti tərəfindən hazırlanan və üzərində “Virusdan qorunmaq əlimizdədir”,  “Koronavirusdan qorunmaq qaydaları”, “Məsafə saxlayın” və digər təbliğat-təşviqat şüarları yazılmış reklam plakatlarını əhalinin sıx toplaşdığı məkanların, ticarət obyektlərinin, apteklərin, bankomatların, ödəmə terminallarının qarşısına yapışdırıblar.

# 2122
avatar

Oxşar yazılar