Cəlilabadda qanunsuz at əti kəsimi və satışı aşkarlandı
26 oktyabr 2020 10:59 (UTC +04:00)

Cəlilabadda qanunsuz at əti kəsimi və satışı aşkarlandı

Cəlilabad rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində qidaya yararsız at ətlərinin kəsimi və satışı ilə məşğul olan şəxslər saxlanılıb.

DİN mətbuat xidmətinin Lənkəran regional qrupundan Lent.az-a verilən məlumata görə, Cəlilabad rayon Polis Şöbəsinin əməkdaşları mənşəyi məlum olmayan ət məhsullarının hazırlanmasında şübhəli bilinərək saxlanılan Cəlilabad rayonunun Sərhədabad kənd sakini Cəlal Mirzəyevin idarə etdiyi “Vaz 21011” markalı avtomobilə baxış keçirən zaman oradan 34 kiloqram sümüksüz at əti aşkar edilərək götürülüb. Həmin ət məhsulunun Cəlilabad rayonunun Sərhədabad kənd sakini T.Qasımov tərəfindən hazırlandığı müəyyən edilib. Araşdırmalarla Toğrul Qasımovun müxtəlif şəxslərdən ucuz qiymətə aldığı atları yaşadığı Sərhədabad kəndində kəsdiyi və sümükdən ayrılan ətlərin mal əti adı ilə satıldığı məlum olub. Həmin ətlərin satışının təşkilində onunla əlbir olan Cəlilabad şəhər sakini Əli Həsənov da müəyyən edilərək saxlanılıb.

Faktla bağlı Cəlilabad rayon Polis Şöbəsində araşdırma aparılır.

 

# 619
avatar

Aygün İbrahimli

Oxşar yazılar