12:03
03 Oktyabr 2020

Dövlət başçısı: “Fransa Prezidenti də bəyanat verib, mən ona bunun yanlış olduğunu dedim"

“Bu, tamamilə feyk xəbərdir. Eynilə Türkiyəyə məxsus F-16-nın onların Su-25-ni vurması kimi feyk xəbərdir. Onların Su-25 təyyarəsi qəzaya uğrayıb. Mənə məlumat verilmişdi ki, o, pilotun təcrübəsizliyi ucbatından dağa çırpılıb”.

APA-nın məlumatına görə, bunu Prezident İlham Əliyev oktyabrın 2-də “Əl-Cəzirə” televiziya kanalına verdiyi müsahibədə Ermənistanın Türkiyəni suriyalı müxalif döyüşçüləri Azərbaycana gətirməkdə ittiham etməsi ilə bağlı suala cavab olaraq deyib.

Müxbirin “Amma onlar bunu sübut etmək üçün dəlillərinin olduğunu deyirlər” replikasına cavab olaraq dövlət başçısı “Qoy göstərsinlər. Haradadır dəlil?” - deyə bildirib.

“Təkcə Ermənistan deyil, əfsuslar olsun, mən dünən eşitdim ki, Fransa Prezidenti də bəyanat verib. O, ayın 27-də axşam mənə zəng vurmuşdu, mən ona bunun səhv, yanlış olduğunu dedim. O, bu bəyanatı heç bir dəlil olmadan verib. Qoy o, bizə dəlil versin, sübut versin. Yalnız sözlərdir. Biz də çox söz deyə bilərik, amma demirik, məsuliyyətli davranırıq”, - deyə Azərbaycan Prezidenti vurğulayıb.

Dİgər xəbərlər