"Huawei" şirkətinin ərazisində yanğın: Ölənlər var
26 sentyabr 2020 06:36 (UTC +04:00)

"Huawei" şirkətinin ərazisində yanğın: Ölənlər var

 

Çinin Dunquan şəhərində “Huawei” şirkətinə məxsus inşaat sahəsində yanğın baş verib.

APA “TASS”-a istinadən xəbər verir ki, hadisə nəticəsində üç nəfər ölüb.

Yanğın yerli vaxtla saat 15:00 radələrində (Bakı vaxtı ilə 11:00) qeydə alınıb. Hadisə yerinə gələn yanğınsöndürənlər inşaat sahəsindəki insanları evakuasiya edib. Yanğın təxminən 850 kv/m sahəni əhatə edib.

Yanğınla mübarizə zamanı yanğınsöndürənlər hadisə yerində üç nəfəri ölmüş vəziyyətdə aşkar edib. İlkin məlumata görə, hadisəyə səbəb səs izolyasiyası materialının yanması olub.

Qeyd edilir ki, hadisənin olduğu obyekt təmirdədir və istifadəyə verilməyib.

# 2044
avatar

Oxşar yazılar