“Qarabağ”ın Avropa Liqasının pley-off mərhələsindəki potensial rəqibi “Legiya”da baş məşqçi dəyişikliyi reallaşıb.
Apasport.az-ın Polşa klubunun rəsmi saytına istinadən məlumatına görə, Varşava təmsilçisi serbiyalı Aleksandr Vukoviçlə yollarını ayırıb.
Onu bu postda Polşanın U-21 yığmasının çalışdırıcısı Çeslav Mixneviç əvəz edib. Mixneviç müqaviləsinin bitəcəyi noyabradək yığmadakı vəzifəsində də qalacaq.
Qeyd edək ki, Çeslav Mixneviç 2017-ci ilin iyulundan U-21 yığmasını çalışdırır.