00:08
20 Avqust 2020

İtkin düşən 80 yaşlı kişi İmişlidə tapıldı

Şirvanda itkin düşən 80 yaşlı kişi İmişli rayonunda tapılıb.

APA-nın Mil-Muğan bürosunun məlumatına görə, təxminən, saat 23 radələrində 1940-cı il təvəllüdlü Nağıyev Rəhbər Şəkəralı oğlu İmişli rayonunda tapıldığı məlum olub.

Belə ki, İmişli sakini tərəfindən APA -nın səhifəsində oxuduğu məlumat onun tapılmasına yardımçı olub.

Rayon sakini Şirvan Polis Şöbəsinin növbətçi hissəsinin telefonuna zəng edərək onu öz evinə apardığını və yaxınlarına bu barədə məlumat vermələrini xahiş edib.

İtkin düşən R.Nağıyevin qohumları APA -ya öz təşəkkürlərini bildirib.

Yaxınlarının bildirdiyinə görə, ahıl kişinin itkin düşməsinə səbəb onun yaddaş pozğunluğu olub.

Qeyd edək ki, avqustun 18-də axşam saatlarında Şirvan şəhəri, M.Ə.Rəsulzadə küçəsi 11, mənzil 34-də yaşayan R.Nağıyevin evdən çıxaraq bir daha geri qayıtmaması haqqında məlumat verilmişdi.

Dİgər xəbərlər