11:26
08 Avqust 2020

Azərbaycan çempionatı bu tarixdə başlayacaq

Azərbaycan Premyer Liqasının 2020/21 mövsümünün start vaxtı müəyyənləşib.

Apasport.az saytının məlumatına görə, bu barədə qərarı Peşəkar Futbol Liqası (PFL) verib.

Qurum yekun müzakirələrdən sonra yeni mövsümün start tarixi kimi avqustun 21-ni müəyyənləşdirib. Bu qərar AFFA İcraiyyə Komitəsi tərəfindən yaradılmış İşçi Qrupunun tövsiyələrini, AFFA ilə aparılan müzakirələri, həmçinin Azərbaycan Respublikasının Nazirlər Kabineti yanında yaradılmış Operativ Qərargahın avqustun 10-dan açıq havada idman yarışlarına icazəsini nəzərə alınaraq verilib.