13:27
21 İyul 2020

DİN qərargah rəisinin yol qəzasında ölməsi ilə bağlı məlumat yaydı

Daxili İşlər Nazirliyi ötən gün DSX-in yüksək rütbəli zabitinin yol qəzasında ölməsi ilə bağlı məlumat yayıb.

Nazirlikdən Lent.az -a verilən məlumatda bildirilir ki, iyulun 20-də saat 8 radələrində Dövlət Sərhəd Xidmətinin Sərhəd Qoşunlarının “Xudat” sərhəd dəstəsinin Quba rayonunun Xınalıq kəndi yaxınlığındakı sərhəd zastavasına xidməti tapşırığın icrası ilə əlaqədar hərəkət edən “UAZ” markalı xidməti avtomobil qəzaya uğrayıb.

Hadisə nəticəsində avtomobildə olan hərbi hissənin qərargah rəisi, polkovnik Şahin Mirzəyev vəfat edib, digər hərbi qulluqçular müxtəlif dərəcəli bədən xəsarətləri alıblar.

Hərbi qulluqçulara ilkin tibbi yardım göstərilmiş və təcili tibbi təxliyəsi təşkil olunub.

Faktla bağlı araşdırma aparılır.

Dİgər xəbərlər