11:50
27 İyun 2020

Sabiq baş məşqçi qocalar evində virusa yoluxdu

Argentina millisinin sabiq baş məşqçisi Karlos Bilardo koronavirusa yoluxub.

Apasport.az saytının məlumatına görə, bu barədə 82 yaşlı mütəxəssisin qardaşı Xorxe Bilardo danışıb.

O bildirib ki, Karlos Bilardo qocalar evində bu virusa yoluxub və həkim nəzarətində təcrid olunub: "Pandemiya səbəbindən onu görə bilmirik, ancaq telefonla danışırıq. O, böyük bir reabilitasiya mərkəzindədir. Orada xəstələrə çox yaxşı qulluq edirlər".

Qeyd edək ki, Karlos Bilardo 1983-1990-cı illərdə Argentina millisini çalışdırıb.

Dİgər xəbərlər