2110
16:09
23 İyun 2020

BNA avtobusların sayını azaldıb? - RƏSMİ CAVAB

Bakıda iyunun 21-də karantin rejimi tətbiq olunandan marşrut avtobuslarının gecikməsi və uzun intervallar sərnişinlərin narazılığına səbəb olub. Əksəriyyət karantinlə əlaqədar insan aktivliyinin zəif olmasına görə Bakı Nəqliyyat Agentliyinin də avtobusların sayını azaltdığını düşünür.

BNA-nın mətbuat katibi Mais Ağayev Lent.az -a açıqlamasında marşrut avtobuslarının sayında heç bir azalma olmadığını deyib:

“Sərt karantin rejiminin tətbiq olunması ilə əlaqədar müntəzəm marşrut xətləri üzrə gündəlik sərnişin axınında azalma müşahidə olunur. İyunun 22-də 677 mindən artıq sərnişin səfər sayı qeydə alınıb ki, bu da ötən həftənin ilk iş günü ilə müqayisədə 45 faiz azalma deməkdir. Buna baxmayaraq, marşrutlar üzrə gündəlik xəttə çıxan avtobusların sayı olduğu kimi saxlanılıb. Gündəlik olaraq xətlərə 1700-1900 aralığında avtobus çıxarılır. Sərnişin təlabatına müvafiq olaraq, zərurət olan xətlər üzrə əlavə avtobuslar cəlb edilir.

Xəttə çıxan avtobus sayının və avtobuslararası intervalın sərnişin axını və mövcud pandemiya şərtləri nəzərə alınmaqla tənizmlənməsi ilə bağlı daşıyıcılara tapşırıq verilib”.