20:19
25 Aprel 2020

Pandemiyadan zərər çəkənlərə edilən ödənişlərin məbləği açıqlandı


İqtisadiyyat Nazirliyi yanında Dövlət Vergi Xidməti fərdi (mikro) sahibkarlara maliyyə dəstəyi üzrə aprel ayının 24-nə olan hesabatı açıqlayıb.

“APA-Economics”in məlumatına görə, hesabatda bildirilir ki, indiyədək 65.522 fərdi (mikro) sahibkar müraciət edib, onlardan 60.169 nəfərin müraciəti araşdırılıb.

Aprelin 24-nə faktiki olaraq 55.022 vergi ödəyicisinə 37.930,3 min manat vəsait ödənilib.

Müraciəti araşdırılmış fərdi sahibkarlara göstəriləcək maliyyə dəstəyinin məbləği isə 40.620,5 min manatdır.

Qeyd edək ki, tədbirin icrası üzrə ümumilikdə 80 milyon manat nəzərdə tutulub.

Xatırladaq ki, bu ödəmələr pandemiyadan zərər çəkmiş fərdi (mikro) sahibkarlara dövlət tərəfindən dəstək məqsədilə həyata keçirilir.

Dİgər xəbərlər