3471
11:14
07 Aprel 2020

Ermənistanda daha 20 nəfər koronavirusa yoluxdu

Ermənistanda ötən sutka ərzində koronavirusa 20 yeni yoluxma qeydə alınıb.

Lent.az Ermənistan KİV-nə istinadla bildirir ki, bu barədə baş nazir Nikol Paşinyan özünün Facebook səhifəsində məlumat yayıb.

Onun yazdığına görə, əvvəl virusa yoluxanların 25 nəfəri sağalıb.

Aprelin 7-si saat 11:00-a olan məlumata görə, Ermənistanda COVID-19-a təsdiqlənən yoluxma halı 853-ə çatıb.

Qeyd edək ki, Ermənistan yoluxma sayına görə, Azərbaycan və Gürcüstandan irəlidədir. İndiyədək ölkədə koronavirusa yoluxan 8 nəfər ölüb.