İngiltərənin “Arsenal” klubunun sabiq çalışdırıcısı Unai Emeri yenidən məşqçilik fəaliyyətinə başlamaq niyyətindədir.
Lent.az-ın məlumatına görə, hazırda işsiz olan ispan çalışdırıcı İtaliyada çalışmaq istəyir. O, koronavirus pendemiyasının geniş yayılmasına baxmayaraq, İtaliya çempionatında məşqçilik etməyə hazır olduğunu bildirib:
“Karyeram ərzində bir neçə dəfə italyan klubları ilə danışığım olub. Amma hər dəfə müxtəlif səbəblərdən bu ölkədə çalışmaq variantı baş tutmayıb. Onların adlarını açıqlamaq istəmirəm. Onu deyə bilərəm ki, A Seriyasını həmişə diqqətlə izləmişəm və İtaliyadan təklif gəlsə, dəyərləndirməyə hazıram”.
Qeyd edək ki, U.Emeri “Arsenal”dan öncə “Valensiya”, “Sevilya” və PSJ kimi klubları çalışdırıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
