19:32
09 Mart 2020

"Koronavirusa yoluxmuşam" deyən kələkbaz ələ keçdi

Koronavirusa yoluxduğunu deyərək xəstəxanalarda insanları narahat edən şəxs nəzarətə götürülüb.

Lent.az -ın Türkiyə mediasına istinadən verdiyi xəbərə görə, Bursada xəstəxanaları dolaşıb insanları təşvişə salan 68 yaşlı E.O polis tərəfindən saxlanılıb.

O, xəstə olmadığı halda İtaliyadan gəldiyini və koronavirusa yoluxduğunu deyərək şəhərdə yerləşən bir neçə xəstəxanada yoxlanılıb.

Məlumata görə, E.O Bursa şəhər xəstəxanasına və Bursa Yüksək İxtisaslı Elmi Tədqiqatlar İnstitutuna gedərək xəstə olduğunu deyib. Ancaq müayinə zamanı onda heç bir əlamət aşkarlanmadığı üçün polisə müraciət edilib.

İldırım qəsəbə polis şöbəsi şikayət olunan şəxsi yaşadığı evdə nəzarətə götürüb. Onun İtaliyaya getmədiyi bildirilərək, psixi problemlərinin olub-olmaması araşdırılır.

Dİgər xəbərlər