BŞBPİ-dən etiraz aksiyasında saxlanılan namizədlər barədə MƏLUMAT

“Ərzulla Buludlunun və Rəbiyyə Məmmədovanın xəsarət alması ilə bağlı deyilənlər əsassızdır”.

Bu barədə Bakı şəhər Baş Polis İdarəsinin Mətbuat Xidmətinin rəisi, polis mayoru Elşad Hacıyev Lent.az-a bildirib ki, polisin təşəbbüsü ilə hər iki şəxs müvafiq həkim müayinəsindən keçirilib, onlarda hər hansı xəsarət faktı aşkarlanmayıb.

Qeyd edək ki, adıçəkilən şəxslər 9 fevralda Milli Məclisə keçirilən seçkilərdə deputatlığa namizədlərdir. Onlar seçki prosesində saxtakarlıq baş verdiyini irəli sürərək dünən axşam saatlarında Mərkəzi Seçki Komissiyasının qarşısında etiraz aksiyası təşkil ediblər.