796
14:46
28 Yanvar 2020

Zəvvarlarımızın Həcc ziyarətinə gedəcəyi tarix AÇIQLANDI

Həcc ziyarətinə getmək istəyənlər üçün sənəd qəbulu davam edir.

Qafqaz Müsəlmanları İdarəsindən (QMİ) Lent.az -a verilən məlumata görə, hazırda 20-yə yaxın müraciət qeydə alınıb.

QMİ-dən o da bildirilib ki, zəvvarların Həcc ziyarəti üçün Səudiyyə Ərəbistanına gediş-dönüşü iyulun 20-dən avqustun 15-dək nəzərdə tutulur: “Zəvvarları aparan ilk təyyarənin iyulun 20-də yola düşəcəyi nəzərdə tutulur. Hazırda bununla bağlı AZAL-a məktub yazılır. Onların cavabından sonra tarix tam dəqiqləşəcək”.

Xatırladaq ki, Həcc ziyarətinə sənəd qəbulu yanvarın 24-dən başlayıb.

Sənədlərin qəbulu Ramazan ayının (may ayının sonu) sonuna kimi davam edəcək.

Həcc ziyarətinə 1500 nəfərlik kovata ayrılıb.

Ziyarətin qiyməti isə bir nəfər üçün 4490 dollar müəyyən edilib.