447
11:25
27 Yanvar 2020

Azərbaycandakı vulkan qazpaylayıcı stansiya üçün təhlükə yaradır

Azərbaycan Milli Elmlər Akademiyasının (AMEA) Geologiya və Geofizika İnstitutunun Palçıq vulkanizmi şöbəsinin əməkdaşları Qaradağ rayonunda yerləşən Azərbaycanın ən iri və aktiv palçıq vulkanlarından olan Otmanbozdağın təhlükə riskini tədqiq ediblər.

AMEA-dan Lent.az -a verilən məlumata görə, tədqiqatlar “Norm” Məhdud Məsuliyyətli Cəmiyyət ilə institut arasında imzalanmış müqaviləyə əsasən baş tutub. Vulkanın 2017 və 2018-ci illərdə iki fazalı püskürməsi qeydə alınıb. Bu isə vulkan sahəsində yerləşən “Norm”a məxsus qazpaylayıcı stansiya üçün təhlükə riskini formalaşdırıb.

Tədqiqatlar zamanı Otmanbozdağın yerləşdiyi sahənin gərginlik vəziyyəti öyrənilib, yer qabığının, eləcə də tektonik dislokasiyaların hərəkət istiqamətləri müəyyən edilib. Paroksizm nəticəsində xaric olunan palçığın axma sürəti hesablanıb, şərq və qərb eruptiv mərkəzlərindən tullanan brekçiyanın potensial axma istiqamətləri üçün qanunauyğunluq müəyyənləşdirilib, həmçinin onların maksimal hərəkət sərhədləri göstərilib.

Kompleks tədqiqatlar nəticəsində potensial risk qiymətləndirilib və qazpaylayıcı stansiyanın yerinin dəyişdirilməsi tövsiyə olunub.