10:42
09 Yanvar 2020

Azərbaycanda Günəşin fəallığı aşağı səviyyədədir

Azərbaycanda Günəş fəallığı çox aşağı səviyyədə olub.

Günəş diskində hələlik nömrələnməyən az fəal oblast meydana gəlməkdədir.

Azərbaycan Milli Elmlər Akademiyası (AMEA) N.Tusi adına Şamaxı Astrofizika Rəsədxanasının İctimaiyyətlə əlaqələr şöbəsindən Lent.az -a verilən məlumata görə, koronoqraf görüntülərində Yerə doğru yönələn digər CME (Coronal Mass Ejections – Tac kütlə atılması) müşahidə olunmayıb.

2 MeV-dən çox enerjili elektron seli hesabat dövrü ərzində normal səviyyədə olub. 10 MeV-dən çox enerjili proton seli bütün hesabat dövrü ərzində fon səviyyəsində stabil qalıb.

Hesabat dövründə ACE kosmik gəmisindən əldə olunan məlumatlar əsasında demək olar ki, Günəş küləyi üçün sakit şərait hökm sürür. Yanvarın 8-nə olan məlumata görə, ümumi maqnit sahəsində güclənmə müşahidə olunub, ədədi qiymətcə 3-6 nT intervalında, Bz komponenti isə (+4) nT-dan (-7) nT-ya qədər dəyişib. Günəş küləyinin sürəti 400 km/san-dən bir qədər çox olub.

Geomaqnit sahə, son 24 saat ərzində ümumən çox sakitdir.

Yanvarın 9-11-də Günəş fəallığı çox aşağı səviyyədə qalacaq.

2 MeV-dən çox enerjili elektron selinin proqnoz dövründə (9-11 yanvar) normal səviyyədə qalacağı proqnozlaşdırılır. 10 MeV-dən çox enerjili proton selinin proqnoz dövründə (9-11 yanvar) fon səviyyələrində davam etməsi gözlənilir.

Proqnoz dövründə əsasən də birinci gün (9 yanvar) mənfi qütblülüyə malik CH HSS (Coronal Hole High Speed Streams – Tac dəliyindən çıxan yüksək sürətli axınlar) effekti hesabına Günəş küləyi parametrlərinin nisbətən artması proqnozlaşdırılır.

Proqnoz dövründə (9 - 11 yanvar) geomaqnit sahədə ümumən sakitlik (Kp=2, 3) davam etsə də, fasilələrlə az fəal şərait meydana gələ bilər. Maqnit qasırğasının yaranması ehtimalı yanvarın 9-da 5 faizdən, yanvar 10-11 tarixlərində isə 1 faizdən aşağı qiymətləndirilir.

Dİgər xəbərlər