617 nəfərin deputatlığa namizədliyi qeydə alındı

Növbədənkənar parlament seçkilərində iştirak üçün 617 nəfərin deputatlığa namizədliyi qeydə alınıb.

"Azərbaycanda 2020-ci ilin fevralın 9-a təyin edilmiş növbədənkənar parlament seçkilərində iştirak etmək üçün indiyə qədər 2381 nəfər müraciət edib".

APA-nın məlumatına görə, bunu Mərkəzi Seçki Komissiyasının (MSK) sədri Məzahir Pənahov MSK-nın bu gün keçirilən iclasında deyib.

MSK sədri bildirib ki, müraciət edən şəxslərin 2270 nəfərinin namizədliyi artıq təsdiqlənib: “Onlardan 2149 nəfəri imza vərəqələrini artıq götürüb, 1041 nəfəri qaytarıb, 617-i isə qeydə alınıb”.